Shohrat Bukhari
bina jaane kisi ke ho ga.e ham
ghubar-e-karvan men kho ga.e ham
ragon men barf si jamne lagi hai
sambhalo apni yadon ko ga.e ham
tumhari muskurahaT rach ga.i hai
har us ghunche men jis par ro ga.e ham
kise ma.alum kya mahfil pe guzri
fasana kahte kahte so ga.e ham
tiri chahat ke sannaTon se Dar kar
hujum-e-zindagi men kho ga.e ham
na raas aa.i kisi ki chhanv ‘shohrat’
ḳhud apni dhuup hi men so ga.e ham
Leave a Reply