abu-mohammad-sahar

Zindagi Khak-Basar Shola-Ba-Jaan Aaj Bhi Hai

zindagi khak-basar shola-ba-jan aaj bhi hai

tujh ko kho kar tujhe paane ka guman aaj bhi hai

ek be-nam si uljhan hai dil-o-jan pe muhit

ek gham naam sa ehsas-e-ziyan aaj bhi hai

khaak se ta-ba-falak teri nigahon ka tilism

thahra thahra sa jahan-e-guzaran aaj bhi hai

tark-e-ulfat men bhi ulfat ke nishan baaqi hain

qafila lut ke tiri samt ravan aaj bhi hai

kitne saaqi hain ki hain jam-ba-kaf kal ki tarah

shughl-e-mai hai ki ‘sahar’ bar-e-garan aaj bhi hai

More Poems

Leave a Comment