na main vo raha kya se kya ho gaya
kya mile tum mujhe main ḳhuda ho gaya
vaqt kaaTe na kaTta tha kal tak mira
dil hai masruf jab se fida ho gaya
ik tira naam hi bas mujhe yaad hai
aj-kal ye mira falsafa ho gaya
har kisi ki zaban pe hai charche mire
maano aḳhbar main aaj ka ho gaya
us ke dar pe shab-o-roz ja baiThna
kaam ham se yahi ik baḌa ho gaya
na mile aise sha.ir zamane hue
ek ‘ghalib’ tha main dusra ho gaya
Leave a Reply