Manzar Naqvi
na koi shab badalti hai na koi din badalta hai
lahu zulmat men jab bole naya suraj nikalta hai
koi dasht-e-bala ho ya koi bhi reg-e-sahra ho
jahan ham eḌiyan ragḌen vahan chashma ubalta hai
guman ka zahr piite ho yaqin ka shahd bhi chakkho
isi ke za.iqe se maut ka nashsha badalta hai
usi ke saath chalta hai koi ummid ka jugnu
ki jis ke dil men bhi koi charagh-e-ishq jalta hai
ye manzar barha dekha ki har ik vaqt ka jabir
lahu ki raushni men aa ke apni aankh malta hai
Leave a Reply