Dil Le Ke Hasinon Ne Ye Dastur Nikala

dil le ke hasīnoñ ne ye dastūr nikālā

dil jis kā liyā us ko bahut duur nikālā

zāhid ko kisī aur kī bāteñ nahīñ ātīñ

aayā to vahī tazkira-e-hūr nikālā

dushman ko ayādat ke liye yaar ne bhejā

achchhā ye ilāj-e-dil-e-ranjūr nikālā

ai tīr-e-sitam chal tirī dāvat hai mire ghar

zaḳhm-e-dil-e-nāshād ne añkūr nikālā

vo tazkira-e-ġhair pe jhuñjhlā ke ye bole

phir aap ne ‘muztar’ vahī mazkūr nikālā

Leave a Comment