diid ki sadd-e-rah hai ye mizha
khar-e-pa-e-nigah hai ye mizha
nit taqatur hi us se rahta hai
rag-e-abr-e-siyah hai ye mizha
chashm meri vo bahr hain mavvaj
jis ke lab ki giyah hai ye mizha
ankhen teri vo ladne vaali hain
saath jin ke sipah hai ye mizha
har tarah dil men khub rahi hai tire
khvah barchhi hai khvah hai ye mizha
ankhen mal mal chhupate ho tum kyuun
dekhna kya gunah hai ye mizha
dil men kanta sa kuchh chubhe hai mire
ki ‘hasan’ kis ki aah hai ye mizha
Leave a Reply