Jamal Ehsani
na koi faal nikali na istiḳhara kiya
bas ek sub.h yunhi ḳhalq se kinara kiya
nikal paḌenge gharon se tamam sayyare
agar zamin ne halka sa ik ishara kiya
jo dil ke taaq men tu ne charagh rakkha tha
na puchh main ne use kis tarah sitara kiya
para.i aag ko ghar men uTha ke le aaya
ye kaam dil ne baghair ujrat o ḳhasara kiya
ajab hai tu ki tujhe hijr bhi garan guzra
aur ek ham ki tira vasl bhi gavara kiya
hamesha haath raha hai ‘jamal’ ankhon par
kabhi ḳhayal kabhi ḳhvab par guzara kiya
Leave a Reply