na-karda gunahon ki saza aur hi kuchh hai
mansur anal-haq ki jaza aur hi kuchh hai
kya ham se musafir ko qarar aa bhi sakega
manzil koi manzil ka pata aur hi kuchh hai
girne se bhi dil par kabhi choT aa.i kisi ko
ma.alum ye hota hai hua aur hi kuchh hai
dushnam-tarazi hi nahin ranj ka baa.is
mil baiTh ke dekho to gila aur hi kuchh hai
jhampir men paa.i hai faqat abla-pa.i
masqat ne to ‘manzar’ ko diya aur hi kuchh hai
Leave a Reply