Pahle Tha Mohabbat Ka Guman so Wo Yaqin Hai

pahle thā mohabbat kā gumāñ so vo yaqīñ hai

be-tābī-e-dil haa.e ye be-vaj.h nahīñ hai

ai vaa.e tire ruḳh pe usī vaqt nazar kī

jab dekh liyā terī nazar aur kahīñ hai

jab tak the tirī bazm meñ dekhā kiye tujh ko

aur ab jo nazar hai nazar-e-bāz-pasīñ hai

akasr nazar aatā hai tirī bazm meñ ‘hāmid’

duniyā ye samajhtī hai ki vo gosha-nashīñ hai

Leave a Comment