na jaane qafile poshida kis ghubar men hain
ki manzilon ke charagh ab tak intizar men hain
bacha bacha ke guzarna hai daman-e-hasti
sharik-e-ḳhar bhi kuchh jashn-e-nau-bahar men hain
kisi jadid talatum ka intizar na ho
suna to hai ki safine abhi qarar men hain
pukarte hain ki dauḌo guzar na jaae ye daur
charagh bujhte hue se jo rahguzar men hain
abhi to duur hai manzil ye qafilon ke hujum
abhi to marhala-e-jabr-o-iḳhtiyar men hain
abhi bahar ne sikhi kahan hai dil-jui
hazar daagh abhi qalb-e-lala-zar men hain
nikhar nikhar ke jo masmum kar rahe hain faza
kuchh aise phuul bhi ‘aḳhtar’ nai bahar men hain
Leave a Reply