kabhi koi rona kabhi koi rona
kabhi ek matam kabhi ek matam
na kyuun dil se baten karen ham musalsal
yahi ek monis yahi ek hamdam
hamen ḳhauf aata hai ab dosti se
magar aap irshad kar den to sar ḳham
bhala shaiḳh-sahab hamen kyuun pila.en
baḌi mushkilon se hui hai faraham
use ghaur se dekhna chahta huun
zamane ki gardish zara ruk zara tham
miri tarah hauka nahin shaiḳh-ji ko
lihaza vo ye shauq karte hain kam-kam
‘shu.ur’ ik din pesh hona paḌega
kahan tak bachoge aziz-e-mukarram
Leave a Reply