Tripurari
na jaane kya kami thi chahaton men
maza kuchh bhi na aaya ranjishon men
muayyan tha yahi mausam milan ka
main akasr sochta huun barishon men
vo ik laḌki main jis ka ho na paaya
kami kuchh thi na us ki mannaton men
jise tum meri qismat kah rahe ho
vo kab se phir rahi hai gardishon men
har ik manzil pe ja ke lauT aaya
kami si khal rahi thi manzilon men
mila un ko na dushman man mutabiq
jo pichhe rah ga.e the koshishon men
Leave a Reply