Anjum Barabankvi
jhuTi baten jhuTe log
sahte rahenge sachche log
hariyali par bolenge
savan ke sab andhe log
do paise men mahnge hain
kirdaron ke saste log
meri guzarish kya sunte
unche qad ke chhoTe log
ghair to aansu pochhenge
dhoka denge apne log
ek jagah kam milte hain
itne saare achchhe log
is jivan men ghuum chuke
aadhi duniya puure log
barson men phir dekhenge
bhole-bhale pyare log
sadiyon pahle hote the
apni dhun ke pakke log
har mahfil men karte hain
ochhi harakat ochhe log
Leave a Reply