abrar-ahmad

Dil Mein Kya Tha Jo Kho Gaya Hai Kahin

dil men kya tha jo kho gaya hai kahin

mera nuqsan ho gaya hai kahin

vo tiri khoj men raha aur phir

ghaliban tujh ko ro gaya hai kahin

rang vo le gaya magar mujh men

apni khushbu samo gaya hai kahin

teri avaz bhi nahin sunta

kya mira bakht so gaya hai kahin

ham-rah-e-sad-malal hai vo kabhi

aur har ranj dho gaya hai kahin

yuun tahi-dast-o-dil-girifta na tha

kuchh na kuchh mujh ko ho gaya hai kahin

More Poems

Leave a Comment