Arif Ishtiaque
zindagi yuun karen basar kab tak
ham milenge nahin magar kab tak
tum ba-zahir jo la-ta.alluq ho
aur ham tum se darguzar kab tak
raste raste guman tera
aur tanha karun safar kab tak
aah nikle na kab talak aḳhir
ḳhuun hota rahe jigar kab tak
aao dekhen ye hijr ka sahra
aur karta hai dar-ba-dar kab tak
ek ummid-e-vasl hai lekin
ek ummid pe guzar kab tak
Leave a Reply