ham kya kahen ki abla-pai se kya mila
duniya mili kisi ko kisi ko khuda mila
ham khud ko dekhne ke to laaeq na the magar
har aaina hamari taraf dekhta mila
aisa tha kaun ruuh ke andar jo dekhta
har sat.h men vagarna hamen janchta mila
insan aur vaqt men kab dosti rahi
har lamha aadmi ka lahu chatta mila
insan samajh ke ham ne use dil men rakh liya
insan ke ruup men magar ik devta mila
dildar bhi mile hamen par is ko kya karen
koi khayal sa to koi khvab sa mila
Leave a Reply