Sufi

Na Ho Ya Rab Aisi Tabiat Kisi Ki

na ho ya rab aisi tabiat kisi ki

ki hans hans ke dekhe musibat kisi ki

jafa un se mujh se vafa kaise chhute

ye sach hai nahin chhutti aadat kisi ki

achhuta jo gham ho to is men bhi khush huun

nahin mujh ko manzur shirkat kisi ki

hasinon ki donon adaen hain dilbar

kisi ki haya to shararat kisi ki

mujhe gum-shuda dil ka gham hai to ye hai

ki is men bhari thi mohabbat kisi ki

bahut roe ham yaad men apne dil ki

jahan dekhi nannhi si turbat kisi ki

More Poems

Leave a Comment