ahmad-shanas

Meri Aaankhon Mein Aa Dil Mein Utar Paiwand-e-Jaan Ho Ja

miri aankhon men aa dil men utar paivand-e-jan ho ja

main benam-o-nishan huun tu mira nam-o-nishan ho ja

kabhi to akhir-e-shab phuul sa khil mere angan men

kabhi mere navah-e-jism men khushbu-e-jan ho ja

tu mere dasht-e-harf-o-saut ko barg-e-khamoshi de

tu meri aankh men gum-gashta-e-hairat-nishan ho ja

magar ye zaat ka ban-bas kab tak bhogna hoga

kisi parbat ke pichhe se bula, kuchh mehrban ho ja

miri raton ko qatra qatra shabnam bantne vaale

kabhi manind-e-dariya meri aankhon se ravan ho ja

vo dekho kahkashan sa ik jazira muntazir apna

mujhe nayya bana apni tu mera badban ho ja

More Poems

Leave a Comment