Mohsin Bhopali
dosto bargah-e-qatl sajate jaao
qarz hai rishta-e-jan qarz chukate jaao
rahe ḳhamosh to ye honT sulag uThenge
sho.ala-e-fikr ko avaz banate jaao
apni taqdir men sahra hai to sahra hi sahi
abla-pao! na.e phuul khilate jaao
zindagi saya-e-divar nahin daar bhi hai
ziist ko ishq ke adab sikhate jaao
be-zamiri hai sar-afraz to gham kaisa hai
apni tazlil ko me.aar banate jaao
ai mashihao agar charagari hai dushvar
ho sake tum se naya zaḳhm lagate jaao
karvan azm ka roke se kahin rukta hai
laakh tum raah men divar uThate jaao
ek muddat ki rifaqat ka ho kuchh to in.aam
jaate jaate koi ilzam lagate jaao
jin ko gahna diya afkar ki parchha.in ne
‘mohsin’ un chehron ko a.ina dikhate jaao
Leave a Reply