ham ne jo us ki midhaton se kaan bhar diye
goya ki kaan laal kiya kaan bhar diye
kya kya jafa.en us but-e-bad-kesh ki kahun
majlis men saikḌon hi musalman bhar diye
ma.amur ho gaya tiri davat se sab makan
itr aur paan phuul se dalan bhar diye
ḳhali latafaton se talavvun tira nahin
san.e.a ne tujh men rang sab ai jaan bhar diye
ai ‘mehr’ husn-e-lutf-e-mazamin kuchh aur hai
yuun to sabhon ne sheron se divan bhar diye
Leave a Reply