Poet
na ho marzi ḳhuda ki to kisi se kuchh nahin hota
jo chahe aadmi to aadmi se kuchh nahin hota
kahan ke dost kaise aqraba jab vaqt paḌta hai
musibat men kisi ki dosti se kuchh nahin hota
amal ki zindagani dar-haqiqat zindagani hai
jiye jaao to ḳhali zindagi se kuchh nahin hota
ajal aa.egi jaan ja.egi ik sa.at-muayyan par
aziz-o-aqriba ki pairvi se kuchh nahin hota
adab ke qadr-dan bazm-e-adab se uThte jaate hain
lo rakkho sha.iri ab sha.iri se kuchh nahin hota
miri halat ye kuchh maḳhsus dil bechain hain lekin
ye mushkil hai kisi ki bekali se kuchh nahin hota
‘safir’ is zindagi men vaqt bhi tevar badalta
na ghabrao kisi ki dushmani se kuchh nahin hota
Leave a Reply