na ho aarzu kuchh yahi aarzu hai
faqat main hi main huun to phir tu hi tu hai
na ye hai na vo hai na main huun na tu hai
hazaron tasavvur aur ik aarzu hai
na ummid jhuTi na kuchh yaas sachchi
nahin jo kahin bhi vahi char-su hai
kise DhunDhte hain yahi DhunDhte hain
yahi justuju hai agar justuju hai
jaga.ega kis tarah shor-e-qayamat
ḳhamoshi se na-char har guftugu hai
ḳhudi bhi hamari ḳhuda.i sahi
vahi ham-nashin hai vahi du-ba-du hai
magar dashna tha saya-e-zulf-e-saqi
ki jo zaḳhm hai saghar-e-mushk-bu hai
Leave a Reply