Poet
na-guzir-e-rishtagi sa hai to ho
varna mujh se kya ilaqa hai to ho
vo mujhe dekhe na main pa.un use
ab koi mera shanasa hai to ho
pur-kashish hain raste ke pech-o-ḳham
chain paane ka Thikana hai to ho
samne hain asmani vus.aten
be-zamini ka zamana hai to ho
chehra-e-ehsas par hai tazgi
aadmi hona purana hai to ho
nazuki ik gul-badan ki saath hai
ab agar pahlu men kanTa hai to ho
apni banti hi nahin hai ‘shah’ se
aadmi ye shaḳhs achchha hai to ho
Leave a Reply