kavita-kiran

Ashk Aankhon Se Piya Bhi Na Bahaya Humne

ashk ankhon se piya bhi na bahaya ham ne

aag ko dil men kuchh is tarah chhupaya ham ne

vo kabhi apne hue aur na vo ghair hue

un ko khoya bhi nahin aur na paaya ham ne

dil to pahle hi se zakhmi hai dukhi aur na kar

ai zamane tira har baar uthaya ham ne

ham se milte hain vahi dushman-e-jani ki tarah

jis kisi ko bhi yahan apna banaya ham ne

sar jhukae rahe is vaste har ik lamha

ai khuda tujh ko har ik zarre men paaya ham ne

hadisa kya tha ‘kiran’ kuchh na samajh men aaya

umr bhar kis ke liye khud ko ganvaya ham ne

More Poems

Leave a Comment