ḳhvabon ki tarah goya bikhar ja.enge ham bhi
chup-chap kisi roz guzar ja.enge ham bhi
ham jaise ka.i log chale jaate hain har roz
kya hoga kisi roz jo mar ja.enge ham bhi
ham log nahin kuchh bhi magar lauh-e-zama. par
ik naqsh koi apna sa dhar ja.enge ham bhi
oḌhe hue hain ruuh pe ham daghon bhari ḳhaak
jab utregi ye ḳhaak nikhar ja.enge ham bhi
ik aa.ina aisa ki jo batin bhi dikha de
aa.ega muqabil to sanvar ja.enge ham bhi
rahna hai kise ḳhvab si duniya men hamesha
‘kashif’ kisi din lauT ke ghar ja.enge ham bhi
Leave a Reply