Ruh Ke zaKHm Ko Lazim Hai Nihan Ho Jaana

ruuh ke zaḳhm ko lāzim hai nihāñ ho jaanā

ġhair-mumkin hai us ik shai kā bayāñ ho jaanā

ḳhuun de kar bhī unheñ kaise bachāyā jaatā

jin charāġhoñ kā muqaddar thā dhuāñ ho jaanā

dekhtā rah gayā vīrāna-e-hastī meñ koī

apne zaḳhmoñ kā bahārāñ kī zabāñ ho jaanā

chalnā paḌtā hai har ik raah meñ ik umr ‘tarāz’

itnā āsāñ nahīñ manzil kā nishāñ ho jaanā

Leave a Comment