ahmad-hamesh

Na Ghar Hai Koi Na Saman Kuchh Raha Baqi

na ghar hai koi na saman kuchh raha baaqi

nahin hai koi bhi duniya men silsila baaqi

ye khel khatm karo eqtidar ka ye khel

ki hai qarib ajal ke tira gala baaqi

maqam-e-ibrat-e-fani se kaun hai mahfuz

ki kaun hakim-e-asbab rah gaya baaqi

sukut-e-marg ke raste pe kuchh nahin tha magar

koi chala hi kahan tha ki kab ruka baaqi

ye kaisa alam-e-viran hai nazar se pare

na din bacha hai na hi raat ka sira baaqi

bahut na thoda sar-e-am zindagi ka shor

ki darmiyan hi sunte hain ik sada baaqi

More Poems

Leave a Comment