na furat-o-dajla pe naaz kar na fareb-e-gang-o-jaman men aa
ye jahan sab hai tira vatan tu kidhar hai apne vatan men aa
tu hai rang-e-nargis-o-nastaran hai tujhi se raunaq-e-anjuman
tire muntazir hain gul-o-saman to bahar ban ke chaman men aa
tujhe laakh log hasin kahen tujh laakh durr-e-samin kahen
tiri qadr hogi faqat yahin to harim-e-dil ke adn men aa
jo ḳhayal-e-ḳhuld men ho magan mai-o-angbin men ho jis ka man
jo vatan men rah ke ho be-vatan use kya kahun ki vatan men aa
ye bahar-e-bagh ye mahfilen tiri ḳhalvaton pe nisar hon
tujhe kaam ghuncha-o-gul se kya tu chaman ko chhoḌ ke ban men aa
rah-o-rasm-e-ishq pe rakh nazar ho jahan-e-nau ka payambar
na to ahd-e-rafta ko yaad kar na fareb-e-charḳh-e-kuhan men aa
ye khula na ham pe ki tu kahan mai-e-sher pi ke nikal gaya
tujhe yaad karte hain ‘arsh’ sab kabhi phir bhi bazm-e-suḳhan men aa
Leave a Reply