na-ehtiram ka bas ehtiram kar baiThe
ham apne karb ka ḳhud intizam kar baiThe
unhen to aana hi kab tha hamari basti men
hazar tarah ke ham ehtimam kar baiThe
ye be-ruḳhi ka ajab silsila to tab se hai
vo guzre raah se aur ham salam kar baiThe
ḳhamosh tab.a the daman bacha ke chal diye vo
aur ham nasib ke maare kalam kar baiThe
lagao aas na ummid rakkho tum ‘maham’
bujhao sham.a vo qissa tamam kar baiThe
Leave a Reply