Sabir Zafar
apni yakja.i men bhi ḳhud se juda rahta huun
ghar men bikhri hui chizon ki tarah rahta huun
sub.h ki sair ki karta huun tamanna shab bhar
din nikalta hai to bistar men paḌa rahta huun
diin o duniya se nahin hai koi jhagḌa mera
yaani main in se alag apni jagah rahta huun
ḳhvahish-e-dad nahin aur koi fariyad nahin
ek sahra hai jahan naghma-sara rahta huun
Leave a Reply