Hamein KHabar Hai KHarab Honge

hameñ ḳhabar hai ḳharāb hoñge

adhūre sapne azaab hoñge

jo kī mohabbat to sochnā kyā

savāl hoñge javāb hoñge

hai yaad mujh ko ki kah rahe the

hamesha dil kī kitāb hoñge

raheñge ban ke kasak sī dil meñ

jo jaagī āñkhoñ ke ḳhvāb hoñge

mohabbateñ miT sakī haiñ kis se

yahī sandese gulāb hoñge

usī sitamgar ke naam yaaro

mire sabhī intisāb hoñge

jinheñ sukūñ samjhā ham ne ‘shākir’

ḳhabar na thī iztirāb hoñge

Leave a Comment