Raj Kaushik
na dil dimagh ka is men qusur hota hai
kisi se ek nazar ka fitur hota hai
rivayaten bhi ajab hain baḌi mohabbat ki
jo dil ke paas ho ankhon se duur hota hai
koi bhi shakl yuun hoti nahin hai nurani
tape jo aag men us par bhi nuur hota hai
kuchh ek chiiz kahin aa to jaa.e hain lekin
ruke vahi hain jahan par shu.ur hota hai
ye rab hi jaane ki vo ishq kis ko kis se kab
par ek baar to sab ko zarur hota hai
kuchh ek ghunT laga raat milne ja.unga
suna hai shab ko nashe men vo chuur hota hai
usul-e-ishq ki takrar ka hai jis ko bhi
ziyada pyaar usi ka qusur hota hai
Leave a Reply