Mere Sine Mein Shor Sa Kya Hai

mere siine meñ shor sā kyā hai

jānte ho mo.āmla kyā hai

sair duniyā kī Thaan lī hai agar

muḌ ke bastī ko dekhtā kyā hai

dekhne ko to muḌ ke dekh leñ ham

dekhne ko magar rahā kyā hai

ḳhud-sarāboñ se dostī kī thī

regzāroñ se ab gila kyā hai

badle badle haiñ āshnā chehre

dosto hādisa huā kyā hai

aa.ina pūchhtā rahā ‘jāzib’

ḳhushk āñkheñ haiñ mājrā kyā hai

Leave a Comment