Poet
na bulbul men na parvane men dekha
jo sauda apne divane men dekha
barabar uus ki zulfon ke siyah-baḳht
main apne baḳht ko shane men dekha
kisi hindu musalman ne ḳhuda ko
na ka.abe men na but-ḳhane men dekha
na kohistan men dekha kohkan ne
na kuchh majnun ne virane men dekha
na askandar ne dekha a.ine men
na jam ne apne paimane men dekha
par us ki kunh ko koi na pahuncha
jise dekha so afsane men dekha
faqiron se suna hai ham ne ‘hatim’
maza jiine ka mar jaane men dekha
Leave a Reply