Rashmi Saba
kisi ke naam ko likhte hue miTate hue
tamam-rat kaTi ḳhud ko azmate hue
kaha ye raat ne mujh se mujhe sulate hue
tu thak ga.i hai bahut hal-e-dil sunate hue
main kyuun sameT nahin paati huun kabhi us ko
bikhar raha hai jo har-pal mujhe sajate hue
ye chahti thi ki main tai karun safar us ka
jo thak gaya hai mira hausla baḌhate hue
zamana laakh use kosta rahe phir bhi
bahar janma hamesha ḳhizan ne jaate hue
Leave a Reply