ab tak mire ahval se vaan be-khabari hai
ai nala-e-jan-soz ye kya be-asari hai
ho jaave hai us ki saf-e-mizhgan se muqabil
is dil ko mire dekhiyo kya be-jigari hai
kis baagh se aati hai bata mujh ko ki phir aaj
kuchh aur hi bu tujh men nasim-e-sahari hai
tera hi talabgar hai dil donon jahan men
ne huur ka juuya hai ne mushtaq-e-pari hai
hai aur hi kuchh ab-o-hava shahr-e-adam ki
har shakhs jo ‘bedar’ udhar ko safari hai