Poet
tire ḳhayal se fursat jo umr bhar na hui
kab apne aap se guzre hamen ḳhabar na hui
nahin ki teri tavajjoh kabhi idhar na hui
mujhe saval ki jur.at hi umr bhar na hui
ba-qaid-e-hosh mohabbat azaab dida-o-dil
jigar ka ḳhuun to kya jur.at-e-nazar na hui
sahar ke naam pe bazm-e-nashat ki barham
charagh ham ne bujha.e magar sahar na hui
tajalliyon ne diye sainkaḌon fareb magar
asir-e-dam miri shoḳhi-e-nazar na hui
ufuq ke paar ujale hain sub.h-e-sadiq ke
ham intizar men baiThe rahe sahar na hui
vatan ki ḳhaak se aati hai bu-e-ḳhun paiham
ki paak rahzanon se ye rahguzar na hui
Leave a Reply