Ajmal Siddiqi
zindagi roz banati hai bahane kya kya
jaane rahte hain abhi khel dikhane kya kya
sirf ankhon ki nami hi to nahin maz.har-e-gham
kuchh tabassum bhi jata dete hain jaane kya kya
ḳhaTken is aankh men to dhaḌken kabhi us dil men
dar-ba-dar ho ke bhi apne hain Thikane kya kya
bol paḌta to miri baat miri hi rahti
ḳhamushi ne hain diye sab ko fasane kya kya
shahr men rang jama gaanv men faslen ujḌin
hashr uThaya bina mausam ki ghaTa ne kya kya
ḳhvab o ummid ka haq, aah ka fariyad ka haq
tujh pe vaar aae hain ye tere divane kya kya
Leave a Reply