Hafeez Jaunpuri
na aa jaa.e kisi par dil kisi ka
na ho yarab koi maa.il kisi ka
laga ik haath bhi kya dekhta hai
kahin karte hain Dar qatil kisi ka
ada se us ne do baten bana kar
kisi ki jaan le li dil kisi ka
uTha jab dard-e-pahlu dil pukara
nahin koi dam-e-mushkil kisi ka
abhi jiina paḌa kuchh din hamen aur
Tala phir vada-e-batil kisi ka
bahut ahista chilman ko uThana
milen ankhen ki baiTha dil kisi ka
‘hafiz’ is tarah bharte ho jo aahen
dukhaoge magar tum dil kisi ka
Leave a Reply