myaan kya ho gar abru-e-khamdar ko dekha
kyuun meri taraf dekh ke talvar ko dekha
ankhen miri phuten tiri aankhon ke baghair aah
gar main ne kabhi nargis-e-bimar ko dekha
dekhe na mire ashk-e-musalsal kabhi tum ne
apni hi sada motiyon ke haar ko dekha
itvar ko aana tira maalum ki ik umr
be-pir tire ham ne hi atvar ko dekha
dekha na kabhu kucha-e-dildar ko rangin
bas ham ne bhi is dida-e-khun-bar ko dekha
us men bhi dar-andazon ne sau rakhne nikale
‘ehsan’ ne jo us rakhna-e-divar ko dekha
Leave a Reply