Mutrib-e-dil Ki Wo Tanen Kya Huin

mutrib-e-dil ki vo tanen kya huiin

vo taḳhayyul ki uḌanen kya huiin

kya hue vo tirchhi nazron ke ḳhadang

abruon ki vo kamanen kya huiin

vo adaen jin pe hoti thiin nisar

chahne valon ki janen kya huiin

kya hue TuuTe dilon ke zamzame

be-zabanon ki zabanen kya huiin

kya hue ‘aḳhtar’ umidon ke hisar

vo azaem ki chaTanen kya huiin

Leave a Comment