Shaad Aarfi
mustaqbil raushan-tar kahiye
lekin aankh mila kar kahiye
barbadi ko manzar kahiye
kahiye soch samajh kar kahiye
samjhaya tha dekh ke chaliye
kaisi khaa.i Thokar kahiye
dam ghuTne ki baat alag hai
tauq-e-gulu ko zevar kahiye
aansu hain qanun se bahar
gham ki baten hans kar kahiye
a.ina dikhlana hoga
sachchi baten munh par kahiye
shaiḳhi ki bhi had hoti hai
kab tak behtar behtar kahiye
Leave a Reply