Mushkil Waqt Mein Aksar Log Badal Jate Hain

mushkil vaqt meñ aksar log badal jaate haiñ

chalte chalte apnī raah nikal jaate haiñ

sab ke apne apne paimāne hote haiñ

sab apne afkār kī aag meñ jal jaate haiñ

zehn kī girheñ khulte khulte hī khultī haiñ

jaate jaate hī rassī ke bil jaate haiñ

Thokar khā kar girne vaalā soch rahā thā

girte girte kaise log sambhal jaate haiñ

behis logoñ kī bastī meñ āḳhir ‘anvar’

kaise kaise naġhme aah meñ Dhal jaate haiñ

Leave a Comment