muqable ke na ham dushmani ke qabil hain
zahin log hain bas ashiqi ke qabil hain
jo apni marzi ka sochen tum un ko dafna do
ki aisi laḌkiyan kab ruḳhsati ke qabil hain
dukhi nahin hain ki ham kyon hue nazar-andaz
hamen pata hai ki ham be-ruḳhi ke qabil hain
hamen Daraya gaya kab sikhaya DaT jaana
ham aise log faqat ajizi ke qabil hain
laḌa.i ham ko virasat men di ga.i hai huzur
ham ahl-e-jang kahan sha.iri ke qabil hain
kisi vaba men ḳhuda ham ko mubtala karega
ham aise log kahan ḳhud-kushi ke qabil hain
Leave a Reply