Wo Aks Mujh Mein Junun-Saz Raqs Karne Laga

vo aks mujh meñ junūñ-sāz raqs karne lagā

maiñ aa.ine kī tarah TūTne bikharne lagā

shab-e-alam hai sitāroñ se ham-kalāmī hai

isī bahāne safar ḳhair se guzarne lagā

maiñ tum se duur huā huuñ to maslahat hai koī

ye mat samajhnā ki mil ke nasha utarne lagā

nahīñ rahī tire naqsh-e-qadam kī baas yahāñ

ye rāsta tirī yādoñ se ab sañvarne lagā

Leave a Comment