Munhadim Hoti Hui Aabaadiyon Mein Fursat-E-Yak-KHwab Hote

Sarvat Husain

munhadim hoti hui abadiyon men fursat-e-yak-ḳhvab hote

ham bhi apne ḳhisht-zaron ke liye asudgi ka baab hote

shahr-e-azurda-faza men abginon ko ba-ru-e-kar laate

shaam ki in ḳhanuman viraniyon men sohbat-e-ahbab hote

taaza o ghamnak rakhte aas aur ummid ki sab konpalon ko

aur phir hamrahi-e-bad-e-shabana ke liye mahtab hote

ḳhud-kalami ke bhanvar men Dubti parchha.in ban kar rah ga.e hain

is andheri raat men ghar se nikalte to sitara-yab hote

ḳhak-aluda zamanon par barasti jhumti kaali ghaTa.en

mausamon ki ab-o-ḳhak-ara.iyon se aa.ine sairab hote