munh se jo mila.iye kisi ko
kyuun daagh laga.iye kisi ko
a.ina-e-kaj-numa hain ahbab
surat na dikha.iye kisi ko
jo surat-e-zaḳhm ḳhuun ro de
aisa na hansa.iye kisi ko
kuchh ḳhuub nahin hai adat-e-zulm
hargiz na sata.iye kisi ko
divar se koi phoḌega sar
dar se na uTha.iye kisi ko
mushtaq hai koi zer-e-divar
avaz suna.iye kisi ko
mushkil hai bigaḌ kar banana
hargiz na miTa.iye kisi ko
is fikr men hai mira pari-ru
divana bana.iye kisi ko
hota hai ‘shu.ur’ dard dil men
phoḌa ye dikha.iye kisi ko
Leave a Reply