Poet
munh se go vo kuchh na kahen par ankhen sab kuchh bolen hain
ab to vo bhi tanha.i men chupke chupke ro len hain
ham ne sa.i-e-zabt bahut ki aansu phir bhi aa hi ga.e
in ashkon ka yaar bura ho raz-e-dil sab kholen hain
kaun sunega kis ko fursat kis ko suna.en kis se kahen
ab to ham dukh dard bhi apna ghazlon hi men samo len hain
apni to fitrat hi azal se hai kaafi dushvar-pasand
ham to apni raah men yaaro ḳhud hi kanTe bo len hain
ham se bhi Tuk nazar milao kabhu kabhu kuchh baat karo
ham bhi ‘mir’ ke shaida.i hain ‘mir’ ki boli bolen hain
sun ke vo ‘rahmat’ ki ghazlen hans ke ye farmane lage
in ghazlon ke parde men to ‘mir’ ki ghazlen bolen hain
Leave a Reply