dil-e-nadan mira hai be-taqsir
zabh karte ho uus kuun be-takbir
naqsh-e-divar sehn-e-gulshan hai
jis ne dekha hai yaar ki tasvir
ashiqon kuun nahin hai rusvai
mushaf-e-ishq ki hai ye tafsir
gardish-e-chashm-e-yar beja nahin
dil ke lene ki hai use tadbir
bul-havas kab talak rahe azad
khol sayyad zulf ki zanjir
janti hai vo zulf-e-uqda-kusha
mere ashufta khvab ki taabir
shab-e-hijran men ai ‘siraj’ mujhe
ashk hai shama aur palak gul-gir
Leave a Reply