Mohsin Naqvi
aap ki aankh se gahra hai miri ruuh ka zaḳhm
aap kya soch sakenge miri tanha.i ko
main to dam toḌ raha tha magar afsurda hayat
ḳhud chali aa.i miri hausla-afza.i ko
lazzat-e-gham ke siva teri nigahon ke baghair
kaun samjha hai mire zaḳhm ki gahra.i ko
main baḌha.unga tiri shohrat-e-ḳhush-bu ka nikhar
tu dua de mire afsana-e-rusva.i ko
vo to yuun kahiye ki ik qaus-e-quzah phail ga.i
varna main bhuul gaya tha tiri angḌa.i ko
Leave a Reply